ਨਵੀਂ ਦਿੱਲੀ, 31 ਮਾਰਚ
ਪੈਟਰੋਲ, ਡੀਜ਼ਲ ਅਤੇ ਘਰੇਲੂ ਰਸੋਈ ਗੈਸ ਦੀਆਂ ਕੀਮਤਾਂ ਵਿੱਚ ਰਿਕਾਰਡ ਵਾਧੇ ਬਾਅਦ ਹੁਣ ਕੌਮਾਂਤਰੀ ਤੇਲ ਕੀਮਤਾਂ ਵਿੱਚ ਗਿਰਾਵਟ ਦੇ ਚੱਲਦੇ ਇਨ੍ਹਾਂ ਉਤਪਾਦਾਂ ਦੀ ਕੀਮਤ ਘਟਣ ਦੀ ਉਮੀਦ ਹੈ। ਇਕ ਅਧਿਕਾਰੀ ਨੇ ਅੱਜ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀ ਨੇ ਆਪਣਾ ਨਾਂ ਨਾ ਦੱਸਣ ਦੀ ਸ਼ਰਤ ‘ਤੇ ਕਿਹਾ ਕਿ ਰਸੋਈ ਗੈਸ ਦੀਆਂ ਕੀਮਤਾਂ ਛੇਤੀ ਹੀ ਘਟਣਗੀਆਂ। ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਪਹਿਲਾਂ ਹੀ ਹਫ਼ਤੇ ਵਿੱਚ ਤਿੰਨ ਵਾਰ ਘੱਟ ਚੁੱਕੀਆਂ ਹਨ। ਉਨ੍ਹਾਂ ਕਿਹਾ, ”ਕੌਮਾਂਤਰੀ ਬਾਜ਼ਾਰ ਵਿੱਚ ਤੇਲ ਦੀਆਂ ਕੀਮਤਾਂ ਵਿੱਚ ਪਿਛਲੇ ਕੁਝ ਦਿਨਾਂ ਵਿੱਚ ਨਰਮੀ ਆਈ ਹੈ। ਇਸ ਦਾ ਅਸਰ ਘਰੇਲੂ ਖੁਦਰਾ ਕੀਮਤਾਂ ‘ਤੇ ਨਜ਼ਰ ਆਉਣਾ ਚਾਹੀਦਾ ਹੈ। ” ਬੀਤੇ ਕੁਝ ਹਫ਼ਤਿਆਂ ਵਿੱਚ ਰਸੋਈ ਗੈਸ ਪ੍ਰਤੀ ਸਿਲੰਡਰ 125 ਰੁਪਏ ਮਹਿੰਗੀ ਹੋਈ ਸੀ। ਦਿੱਲੀ ਵਿੱਚ ਹਾਲ ਦੀ ਘੜੀ ਪੈਟਰੋਲ 90.56 ਰੁਪਏ, ਜਦੋਂ ਕਿ ਇਹ 91.17 ਰੁਪਏ ਪ੍ਰਤੀ ਲਿਟਰ ਤਕ ਚਲਾ ਗਿਆ ਸੀ। ਡੀਜ਼ਲ ਪ੍ਰਤੀ ਲਿਟਰ 80.87 ਰੁਪਏ ਹੈ।-ਏਜੰਸੀ
Source link