ਸੰਗਰੂਰ ਜ਼ਿਲ੍ਹਾ ਪੁਲੀਸ ਨੇ 3 ਨਸ਼ਾ ਤਸਕਰਾਂ ਦੀ ਕਰੀਬ 77 ਲੱਖ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ

ਗੁਰਦੀਪ ਸਿੰਘ ਲਾਲੀ
ਸੰਗਰੂਰ, 21 ਸਤੰਬਰ
ਇਸ ਜ਼ਿਲ੍ਹੇ ਦੀ ਪੁਲੀਸ ਵਲੋਂ 3 ਨਸ਼ਾ ਤਸਕਰਾਂ ਦੀ 77 ਲੱਖ ਰੁਪਏ ਦੇ ਮੁੱਲ ਦੀ ਜਾਇਦਾਦ ਜ਼ਬਤ ਕੀਤੀ ਗਈ ਹੈ। ਜ਼ਿਲ੍ਹਾ ਪੁਲੀਸ ਵਲੋਂ ਹੁਣ ਤੱਕ ਕੁੱਲ 6 ਨਸ਼ਾ ਤਸਕਰਾਂ ਦੀ ਕਰੀਬ ਪੌਣੇ 2 ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ ਗਈ ਹੈ। ਜ਼ਿਲ੍ਹਾ ਪੁਲੀਸ ਮੁਖੀ ਸੁਰੇਂਦਰ ਲਾਂਬਾ ਨੇ ਦੱਸਿਆ ਕਿ ਨਸ਼ਿਆਂ ਖ਼ਿਲਾਫ਼ ਚਲਾਈ ਮੁਹਿੰਮ ਤਹਿਤ ਜ਼ਿਲ੍ਹਾ ਪੁਲੀਸ ਵਲੋਂ ਐੱਨਡੀਪੀਐੱਸ ਐਕਟ ਤਹਿਤ ਬਲਜੀਤ ਕੌਰ ਵਾਸੀ ਚੌਵਾਸ ਜਖੇਪਲ, ਅਮਰੀਕ ਸਿੰਘ ਉਰਫ਼ ਮੀਤਾ ਵਾਸੀ ਕਾਤਰੋਂ ਅਤੇ ਗੁਰਵਿੰਦਰ ਸਿੰਘ ਵਾਸੀ ਪੁੰਨਾਂਵਾਲ ਦੀ ਕਰੀਬ 77 ਲੱਖ ਦੀ ਜਾਇਦਾਦ ਜ਼ਬਤ ਕਰਵਾਈ ਗਈ ਹੈ। ਜ਼ਬਤ ਜਾਇਦਾਦ ਵਿਚ ਬਲਜੀਤ ਕੌਰ ਦਾ 40 ਲੱਖ 12 ਹਜ਼ਾਰ 740 ਰੁਪਏ ਦੀ ਕੀਮਤ ਦਾ ਮਕਾਨ, ਅਮਰੀਕ ਸਿੰਘ ਉਰਫ਼ ਮੀਤਾ ਦਾ 26 ਲੱਖ ਰੁਪਏ ਦੀ ਕੀਮਤ ਦਾ ਮਕਾਨ ਅਤੇ ਗੁਰਵਿੰਦਰ ਸਿੰਘ ਦਾ 10 ਲੱਖ 61 ਹਜ਼ਾਰ 250 ਰੁਪਏ ਦੀ ਕੀਮਤ ਦਾ ਮਕਾਨ ਸ਼ਾਮਲ ਹੈ। ਇਸ ਤੋਂ ਪਹਿਲਾਂ ਵੀ ਜ਼ਿਲ੍ਹਾ ਪੁਲੀਸ ਸੰਗਰੂਰ ਵਲੋਂ 3 ਨਸ਼ਾ ਤਸਕਰਾਂ ਦੀ ਕਰੀਬ 1 ਕਰੋੜ ਰੁਪਏ ਦੇ ਮੁੱਲ ਦੀ ਜਾਇਦਾਦ ਜ਼ਬਤ ਕਰਵਾਈ ਗਈ ਹੈ, ਜਿਨ੍ਹਾਂ ਵਿਚ ਸੰਤਰੂਪ ਸਿੰਘ ਵਾਸੀ ਗੰਢੂਆਂ ਦੀ 23 ਕਨਾਲ ਜ਼ਮੀਨ, ਬਾਰੂ ਸ਼ਰਮਾ ਉਰਫ਼ ਬੀਰਬਲ ਵਾਸੀ ਹਮੀਰਗੜ੍ਹ ਦਾ  ਟਰੱਕ ਅਤੇ ਕਰਨੈਲ ਸਿੰਘ ਵਾਸੀ ਸੋਹੀਆਂ ਕਲਾ ਦਾ ਮਕਾਨ ਕਰੀਬ, ਟਰੱਕ ਅਤੇ ਸਕੂਟਰੀ ਸ਼ਾਮਲ ਹੈ। ਮੌਜੂਦਾ ਸਾਲ ਵਿਚ ਜ਼ਿਲ੍ਹਾ ਪੁਲੀਸ ਸੰਗਰੂਰ ਵਲੋਂ ਹੁਣ ਤੱਕ ਕੁੱਲ 6 ਨਸ਼ਾ ਤਸਕਰਾਂ ਦੀ ਕਰੀਬ ਪੌਣੇ 2 ਕਰੋੜ ਰੁਪਏ ਦੇ ਮੁੱਲ ਦੀ ਜਾਇਦਾਦ ਜ਼ਬਤ ਕਰਵਾਈ ਗਈ ਹੈ।

The post ਸੰਗਰੂਰ ਜ਼ਿਲ੍ਹਾ ਪੁਲੀਸ ਨੇ 3 ਨਸ਼ਾ ਤਸਕਰਾਂ ਦੀ ਕਰੀਬ 77 ਲੱਖ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ appeared first on punjabitribuneonline.com.