SC, ST ਤੇ OBC ਦੇ ਅਧਿਕਾਰਾਂ ’ਤੇ ਹਮਲਾ ਹੈ ਜਨਰਲ ਵਰਗ ਲਈ ਰਿਜ਼ਰਵੇਸ਼ਨ : ਲਾਲੂ

ਪਟਨਾ– ਰਾਸ਼ਟਰੀ ਜਨਤਾ ਦਲ ਦੇ ਕੌਮੀ ਪ੍ਰਧਾਨ ਲਾਲੂ ਪ੍ਰਸਾਦ ਯਾਦਵ ਨੇ ਵੀਰਵਾਰ ਜਨਰਲ ਵਰਗ ਦੇ ਆਰਥਿਕ ਪੱਖੋਂ ਕਮਜ਼ੋਰ ਲੋਕਾਂ ਲਈ ਪਿਛਲੇ ਦਿਨੀਂ ਲਾਗੂ 10 ਫੀਸਦੀ ਰਿਜ਼ਰਵੇਸ਼ਨ ਦੀ ਨਿੰਦਾ ਕੀਤੀ ਹੈ। ਲਾਲੂ ਨੇ ਇਸ ਰਿਜ਼ਰਵੇਸ਼ਨ ਨੂੰ ਐੱਸ. ਸੀ, ਐੱਸ. ਟੀ ਅਤੇ ਓ. ਬੀ. ਸੀ. ਦੇ ਸੰਵਿਧਾਨਿਕ ਅਧਿਕਾਰਾਂ ’ਤੇ ਵੱਡਾ ਹਮਲਾ ਕਰਾਰ ਦਿੱਤਾ ਹੈ।
ਲਾਲੂ ਨੇ ਇਹ ਤਿੱਖੀ ਟਿੱਪਣੀ ਉਸ ਦਿਨ ਕੀਤੀ ਹੈ ਜਿਸ ਦਿਨ ਉਨ੍ਹਾਂ ਦੇ ਛੋਟੇ ਬੇਟੇ ਤੇਜਸਵੀ ਯਾਦਵ ਉੱਤਰੀ ਬਿਹਾਰ ਦੇ ਦਰਭੰਗਾ ਤੋਂ ‘ਬੇਰੋਜ਼ਗਾਰੀ ਹਟਾਓ, ਆਰਕਸ਼ਨ ਬੜਾਓ ਯਾਤਰਾ’ ਸ਼ੁਰੂ ਕਰ ਰਹੇ ਹਨ।