Asian Tribune Your Multilingual Newspaper covering World and local news News
ਭਾਰਤ ਭਰ ਦੇ ਹਜ਼ਾਰਾਂ ਕਿਸਾਨ ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ (PM-KISAN) ਯੋਜਨਾ ਅਧੀਨ ਅਗਲੀ ਕਿਸ਼ਤ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਪਿਛਲੀ ਕਿਸਤ ਕੁਝ ਮਹੀਨੇ ਪਹਿਲਾਂ ਜਾਰੀ ਕੀਤੀ ਗਈ ਸੀ। ਇਸ ਤੋਂ ਬਾਅਦ ਹੁਣ ਕਿਸਾਨ 22ਵੀਂ ਕਿਸ਼ਤ ਦੀ ਉਡੀਕ ਕਰ ਰਹੇ ਹਨ, ਤਾਂ ਜੋ ਆਉਣ ਵਾਲੇ ਖੇਤੀ ਸੀਜ਼ਨ ਤੋਂ ਪਹਿਲਾਂ ਉਨ੍ਹਾਂ ਨੂੰ ਕੁਝ ਰਾਹਤ ਮਿਲ ਸਕੇ।
PM ਕਿਸਾਨ ਯੋਜਨਾ ਕੀ ਹੈ?
ਭਾਰਤ ਸਰਕਾਰ ਦੀ PM ਕਿਸਾਨ ਸਨਮਾਨ ਨਿਧੀ ਯੋਜਨਾ ਤਹਿਤ ਛੋਟੇ ਅਤੇ ਸੀਮਾਂਤ ਕਿਸਾਨਾਂ ਨੂੰ ਹਰ ਸਾਲ 6,000 ਰੁਪਏ ਦੀ ਵਿੱਤੀ ਮਦਦ ਦਿੱਤੀ ਜਾਂਦੀ ਹੈ। ਇਹ ਰਕਮ ਡਾਇਰੈਕਟ ਬੇਨੀਫਿਟ ਟ੍ਰਾਂਸਫਰ (DBT) ਰਾਹੀਂ ਕਿਸਾਨਾਂ ਦੇ ਬੈਂਕ ਖਾਤਿਆਂ ਵਿੱਚ 2,000 ਰੁਪਏ ਦੀਆਂ ਤਿੰਨ ਕਿਸਤਾਂ ਵਿੱਚ ਸਿੱਧੀ ਭੇਜੀ ਜਾਂਦੀ ਹੈ। ਇਸ ਯੋਜਨਾ ਦਾ ਮਕਸਦ ਬੀਜ, ਖਾਦ, ਸਾਜੋ-ਸਾਮਾਨ ਅਤੇ ਹੋਰ ਲੋੜਾਂ ਲਈ ਕਿਸਾਨਾਂ ਦੀ ਮਦਦ ਕਰਨਾ ਹੈ।
22ਵੀਂ ਕਿਸਤ ਕਦੋਂ ਆਵੇਗੀ?
ਹੁਣ ਤੱਕ PM ਕਿਸਾਨ ਯੋਜਨਾ ਤਹਿਤ 21 ਕਿਸ਼ਤਾਂ ਜਾਰੀ ਕੀਤੀਆਂ ਜਾ ਚੁੱਕੀਆਂ ਹਨ। 21ਵੀਂ ਕਿਸਤ 19 ਨਵੰਬਰ 2025 ਨੂੰ ਦਿੱਤੀ ਗਈ ਸੀ। ਇਸ ਯੋਜਨਾ ਅਧੀਨ ਹਰ ਚਾਰ ਮਹੀਨੇ ਵਿੱਚ 2,000 ਰੁਪਏ ਕਿਸਾਨਾਂ ਦੇ ਖਾਤਿਆਂ ਵਿੱਚ ਟ੍ਰਾਂਸਫਰ ਕੀਤੇ ਜਾਂਦੇ ਹਨ।
ਇਸ ਪੈਟਰਨ ਦੇ ਆਧਾਰ ’ਤੇ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ 22ਵੀਂ ਕਿਸਤ ਫਰਵਰੀ 2026 ਦੇ ਪਹਿਲੇ ਜਾਂ ਦੂਜੇ ਹਫ਼ਤੇ ਵਿੱਚ ਜਾਰੀ ਹੋ ਸਕਦੀ ਹੈ। ਕੁਝ ਰਿਪੋਰਟਾਂ ਮੁਤਾਬਕ 8 ਫਰਵਰੀ ਦੇ ਆਸ-ਪਾਸ ਕਿਸ਼ਤ ਟ੍ਰਾਂਸਫਰ ਹੋ ਸਕਦੀ ਹੈ। ਹਾਲਾਂਕਿ, ਇਸ ਬਾਰੇ ਹਜੇ ਤੱਕ ਸਰਕਾਰ ਵੱਲੋਂ ਕੋਈ ਅਧਿਕਾਰਿਕ ਜਾਣਕਾਰੀ ਜਾਰੀ ਨਹੀਂ ਕੀਤੀ ਗਈ।
ਕਿਸ਼ਤ ਦਾ ਸਟੇਟਸ ਕਿਵੇਂ ਚੈਕ ਕਰੀਏ?
ਕਿਸਾਨ ਹੇਠਾਂ ਦਿੱਤੇ ਸਟੈਪਸ ਦੀ ਮਦਦ ਨਾਲ ਆਪਣੀ ਕਿਸ਼ਤ ਦਾ ਸਟੇਟਸ ਆਨਲਾਈਨ ਆਸਾਨੀ ਨਾਲ ਚੈਕ ਕਰ ਸਕਦੇ ਹਨ—
pmkisan.gov.in ’ਤੇ ਜਾਓ।
‘Farmers Corner’ ਹੇਠਾਂ ‘Know Your Status’ ’ਤੇ ਕਲਿੱਕ ਕਰੋ।
ਆਧਾਰ ਨੰਬਰ, ਮੋਬਾਈਲ ਨੰਬਰ ਜਾਂ ਰਜਿਸਟ੍ਰੇਸ਼ਨ ਨੰਬਰ ਦਰਜ ਕਰੋ।
OTP ਦਾਖਲ ਕਰਕੇ ਵੇਰੀਫਾਈ ਕਰੋ।
ਇਸ ਤੋਂ ਬਾਅਦ ਤੁਹਾਨੂੰ ਸਕ੍ਰੀਨ ’ਤੇ ਪੇਮੈਂਟ ਸਟੇਟਸ, FTO ਸਟੇਟਸ ਅਤੇ ਬੈਂਕ ਡਿਟੇਲਜ਼ ਦਿਖਾਈ ਦੇਣਗੀਆਂ।
ਕਿਸ਼ਤ ਨਾ ਆਉਣ ’ਤੇ ਕੀ ਕਰੀਏ?
ਅਕਸਰ ਤਕਨੀਕੀ ਸਮੱਸਿਆਵਾਂ ਜਾਂ ਦਸਤਾਵੇਜ਼ਾਂ ਦੀ ਕਮੀ ਕਾਰਨ ਕਿਸ਼ਤ ਆਉਣ ਵਿੱਚ ਦੇਰੀ ਹੋ ਜਾਂਦੀ ਹੈ। ਬੈਂਕ ਖਾਤੇ ਨਾਲ ਆਧਾਰ ਲਿੰਕ ਨਾ ਹੋਣਾ, ਸਟੇਟ ਲੈਵਲ ’ਤੇ ਅਪ੍ਰੂਵਲ ਪੈਂਡਿੰਗ ਹੋਣਾ, ਗਲਤ ਬੈਂਕ ਡਿਟੇਲਜ਼ ਜਾਂ ਅਧੂਰੀ e-KYC ਕਾਰਨ ਕਿਸਤ ਰੁਕ ਸਕਦੀ ਹੈ।
ਇਹਨਾਂ ਗਲਤੀਆਂ ਦੀ ਸਹੀ ਕਰੈਕਸ਼ਨ ਕਰਨ ਤੋਂ ਬਾਅਦ ਆਮ ਤੌਰ ’ਤੇ 2 ਤੋਂ 4 ਹਫ਼ਤਿਆਂ ਦੇ ਅੰਦਰ ਸਮੱਸਿਆ ਹੱਲ ਹੋ ਜਾਂਦੀ ਹੈ।
ਹੋਰ ਪੜ੍ਹੋ
Source link