Badminton World Championship : ਬੈਡਮਿੰਟਨ ਵਿਸ਼ਵ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ਵਿੱਚ ਪੀਵੀ ਸਿੰਧੂ ਪਹੁੰਚੀ ; ਵਿਸ਼ਵ ਨੰਬਰ-2 ਵਾਂਗ ਜ਼ੀ ਨੂੰ ਹਰਾਇਆ

Badminton World Championship : ਬੈਡਮਿੰਟਨ ਵਿਸ਼ਵ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ਵਿੱਚ ਪੀਵੀ ਸਿੰਧੂ ਪਹੁੰਚੀ ; ਵਿਸ਼ਵ ਨੰਬਰ-2 ਵਾਂਗ ਜ਼ੀ ਨੂੰ ਹਰਾਇਆ

ਚੰਡੀਗੜ੍ਹ, 28ਅਗਸਤ(ਵਿਸ਼ਵ ਵਾਰਤਾ) Badminton World Championship :  ਭਾਰਤ ਦੀ ਦੋ ਵਾਰ ਦੀ ਓਲੰਪਿਕ ਤਗਮਾ ਜੇਤੂ ਪੀਵੀ ਸਿੰਧੂ ਨੇ ਚੱਲ ਰਹੀ BWF ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਆਪਣੀ ਚੜ੍ਹਤ ਜਾਰੀ ਰੱਖੀ, ਸਿੰਧੂ ਵਿਸ਼ਵ ਨੰਬਰ 2 ਚੀਨ ਦੀ ਵਾਂਗ ਜ਼ੀ ਯੀ ‘ਤੇ ਸ਼ਾਨਦਾਰ ਜਿੱਤ ਦਰਜ ਕਰਕੇ ਕੁਆਰਟਰਫਾਈਨਲ ਵਿੱਚ ਪਹੁੰਚ ਗਈ।

ਓਲੰਪਿਕ ਵਿੱਚ ਚਾਂਦੀ ਅਤੇ ਕਾਂਸੀ ਦੇ ਤਗਮੇ ਜਿੱਤਣ ਵਾਲੀ ਸਿੰਧੂ ਨੇ ਵਿਸ਼ਵ ਨੰਬਰ-2 ਵਾਂਗ ਜ਼ੀ ਵਿਰੁੱਧ ਆਪਣਾ ਦਬਦਬਾ ਬਣਾਈ ਰੱਖਿਆ। ਸਿੰਧੂ ਨੇ 5ਵੇਂ ਹੈੱਡ-ਟੂ-ਹੈੱਡ ਮੈਚ ਵਿੱਚ ਤੀਜੀ ਵਾਰ ਵਾਂਗ ਨੂੰ ਹਰਾਇਆ। ਵਿਸ਼ਵ ਨੰਬਰ-15 ਸਿੰਧੂ ਨੇ ਸਖ਼ਤ ਟੱਕਰ ਤੋਂ ਬਾਅਦ ਪਹਿਲਾ ਗੇਮ 21-19 ਦੇ ਫਰਕ ਨਾਲ ਜਿੱਤਿਆ। ਪਹਿਲਾ ਗੇਮ ਜਿੱਤਣ ਤੋਂ ਬਾਅਦ, ਸਿੰਧੂ ਨੇ ਦੂਜੇ ਗੇਮ ਵਿੱਚ ਵੀ 12-6 ਦੀ ਲੀਡ ਹਾਸਲ ਕੀਤੀ। ਉਸਨੇ ਇਸ ਲੀਡ ਨੂੰ ਬਰਕਰਾਰ ਰੱਖਿਆ ਅਤੇ ਦੂਜਾ ਗੇਮ 21-15 ਦੇ ਫਰਕ ਨਾਲ ਜਿੱਤ ਕੇ ਮੈਚ ਜਿੱਤ ਲਿਆ। ਸਿੰਧੂ ਦਾ ਸਾਹਮਣਾ ਕੁਆਰਟਰ ਫਾਈਨਲ ਵਿੱਚ ਦੱਖਣੀ ਕੋਰੀਆ ਦੀ ਵਿਸ਼ਵ ਨੰਬਰ-1 ਐਨ ਸੇ ਯੰਗ ਨਾਲ ਹੋ ਸਕਦਾ ਹੈ।

ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/

The post Badminton World Championship : ਬੈਡਮਿੰਟਨ ਵਿਸ਼ਵ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ਵਿੱਚ ਪੀਵੀ ਸਿੰਧੂ ਪਹੁੰਚੀ ; ਵਿਸ਼ਵ ਨੰਬਰ-2 ਵਾਂਗ ਜ਼ੀ ਨੂੰ ਹਰਾਇਆ appeared first on Wishav Warta I (ਪੰਜਾਬੀ ਖ਼ਬਰਾ) I Latest Punjabi News I Breaking Punjab News I Top Headlines In Punjabi I Latest Punjabi News I Australian News in Punjabi I Punjabi News Agency.