ਕਾਲਾ ਹਿਰਨ ਮਾਮਲਾ : ਸੈਫ, ਸੋਨਾਲੀ, ਨੀਲਮ ਤੇ ਤੱਬੂ ਨੂੰ ਹਾਈ ਕੋਰਟ ਦਾ ਤਾਜ਼ਾ ਨੋਟਿਸ

ਜੋਧਪੁਰ— ਰਾਜਸਥਾਨ ਹਾਈ ਕੋਰਟ ਨੇ ਬਹੁਚਰਚਿਤ ਕਾਲੇ ਹਿਰਨ ਸ਼ਿਕਾਰ ਮਾਮਲੇ ‘ਚ ਫਿਲਮ ਅਭਿਨੇਤਾ ਸੈਫ ਅਲੀ ਖਾਨ, ਅਭਿਨੇਤਰੀ ਸੋਨਾਲੀ ਬੇਂਦਰੇ, ਨੀਲਮ ਅਤੇ ਤੱਬੂ ਸਮੇਤ ਸਾਰੇ ਦੋਸ਼ੀਆਂ ਨੂੰ ਨਵੇਂ ਸਿਰੇ ਤੋਂ ਤਾਜ਼ਾ ਨੋਟਿਸ ਜਾਰੀ ਕੀਤਾ ਹੈ। ਹਾਈ ਕੋਰਟ ਜੋਧਪੁਰ ‘ਚ ਜੱਜ ਮਨੋਜ ਗਰਗ ਦੀ ਅਦਾਲਤ ਨੇ ਸੋਮਵਾਰ ਨੂੰ ਇਸ ਮਾਮਲੇ ਦੀ ਸੁਣਵਾਈ ਦੌਰਾਨ ਸਾਰੇ ਸਹਿ ਦੋਸ਼ੀਆਂ ਨੂੰ ਨਵੇਂ ਸਿਰੇ ਤੋਂ ਨੋਟਿਸ ਜਾਰੀ ਕੀਤੇ। ਰਾਜ ਸਰਕਾਰ ਨੇ ਜੱਜ ਦੇਵ ਕੁਮਾਰ ਖੱਤਰੀ (ਜੋਧਪੁਰ ਪੇਂਡੂ) ਦੀ ਅਦਾਲਤ ਦੇ ਸਹਿ ਦੋਸ਼ੀਆਂ ਨੂੰ ਪਿਛਲੇ ਸਾਲ ਅਪ੍ਰੈਲ ‘ਚ ਬਰੀ ਕਰ ਦੇਣ ਦੇ ਫੈਸਲੇ ਨੂੰ ਚੁਣੌਤੀ ਦਿੱਤੀ ਸੀ। ਇਸ ਮਾਮਲੇ ‘ਚ ਅਗਲੀ ਸੁਣਵਾਈ ਲਈ 8 ਹਫਤਿਆਂ ਦਾ ਸਮਾਂ ਦਿੱਤਾ ਗਿਆ ਹੈ। ਅਦਾਲਤ ‘ਚ ਸੁਣਵਾਈ ਦੌਰਾਨ ਸਰਕਾਰੀ ਐਡਵੋਕੇਟ ਮਹਿਪਾਲ ਸਿੰਘ ਨੇ ਦੱਸਿਆ ਕਿ ਨੀਲਮ ਤੋਂ ਇਲਾਵਾ ਅਜੇ ਤੱਕ ਹੋਰ ਸਹਿ ਦੋਸ਼ੀ ਨੂੰ ਨੋਟਿਸ ਤਾਮਿਲ ਨਹੀਂ ਹੋ ਸਕੇ ਹਨ। ਇਸ ‘ਤੇ ਅਦਾਲਤ ਨੇ ਸਾਰੇ ਸਹਿ ਦੋਸ਼ੀਆਂ ਨੂੰ ਨਵੇਂ ਸਿਰੇ ਤੋਂ ਨੋਟਿਸ ਜਾਰੀ ਕਰ ਕੇ 8 ਹਫਤਿਆਂ ‘ਚ ਆਪਣਾ ਜਵਾਬ ਪੇਸ਼ ਕਰਨ ਦਾ ਆਦੇਸ਼ ਦਿੱਤਾ।
ਜ਼ਿਕਰਯੋਗ ਹੈ ਕਿ ਸੀ.ਜੇ.ਐੱਮ. ਪੇਂਡੂ ਕੋਰਟ ਨੇ ਇਸ ਮਾਮਲੇ ‘ਚ ਪਿਛਲੇ 5 ਸਾਲ ਅਪ੍ਰੈਲ ਨੂੰ ਮੁੱਖ ਦੋਸ਼ੀ ਅਭਿਨੇਤਾ ਸਲਮਾਨ ਖਾਨ ਨੂੰ 5 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਜਦੋਂ ਸਹਿ ਦੋਸ਼ੀ ਸੈਫ ਅਲੀ, ਨੀਲਮ, ਸੋਨਾਲੀ, ਤੱਬੂ ਅਤੇ ਹੋਰ ਦੋਸ਼ੀ ਦੁਸ਼ਯੰਤ ਸਿੰਘ ਨੂੰ ਸ਼ੱਕ ਨੂੰ ਲਾਭ ਦਿੰਦੇ ਹੋਏ ਬਰੀ ਕਰ ਦਿੱਤਾ ਗਿਆ ਸੀ। ਫਿਲਹਾਲ ਸਲਮਾਨ ਖਾਨ ਜ਼ਮਾਨਤ ‘ਤੇ ਹੈ। ਇਸ ਮਾਮਲੇ ‘ਚ ਰਾਜ ਸਰਕਾਰ ਨੇ ਹਾਈ ਕੋਰਟ ‘ਚ ਅਪੀਲ ਕੀਤੀ ਸੀ। ਸਾਲ 1998 ‘ਚ ਫਿਲਮ ‘ਹਮ ਸਾਥ-ਸਾਥ ਹੈਂ’ ਦੀ ਸ਼ੂਟਿੰਗ ਦੌਰਾਨ ਜੋਧਪੁਰ ਸ਼ਹਿਰ ਨੇੜੇ ਸਥਿਤ ਕਾਕਾਂਣੀ ਪਿੰਡ ਦੀ ਸਰਹੱਦ ‘ਤੇ ਇਕ ਅਕਤੂਬਰ ਦੇਰ ਰਾਤ 2 ਕਾਲੇ ਹਿਰਨਾਂ ਦਾ ਸ਼ਿਕਾਰ ਕਰਨ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਸਲਮਾਨ ਖਾਨ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਸੀ, ਜਿਸ ‘ਚ ਇਹ ਲੋਕ ਸਹਿ ਦੋਸ਼ੀ ਹਨ।