24 ਘੰਟਿਆਂ ’ਚ ਦੂਜੇ ਹਮਲੇ ਨਾਲ ਕੰਬਿਆ ਕਸ਼ਮੀਰ

ਸ਼੍ਰੀਨਗਰ-ਅੱਤਵਾਦੀਆਂ ਨੇ 24 ਘੰਟਿਆਂ ‘ਚ ਦੂਜਾ ਗ੍ਰਨੇਡ ਹਮਲਾ ਕਰ ਦਿੱਤਾ ਹੈ, ਜੋ ਕਿ ਹੁਣ ਲਾਲ ਚੌਂਕ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਲਾਲ ਚੌਂਕ ‘ਚ ਸੁਰੱਖਿਆ ਦੇ ਸਖਤ ਇੰਤਜ਼ਾਮ ਕੀਤੇ ਗਏੇ ਹਨ। ਰਿਪੋਰਟ ਮੁਤਾਬਕ ਨਮਾਜ਼ ਦਾ ਸਮਾਂ ਹੋਣ ਕਾਰਨ ਘਟਨਾ ਦੇ ਸਮੇਂ ਲਾਲ ਚੌਂਕ ‘ਚ ਜ਼ਿਆਦਾ ਲੋਕ ਨਹੀਂ ਸੀ, ਜਿਸ ਕਾਰਨ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ ਪਰ ਕੁਝ ਗੱਡੀਆਂ ਨੁਕਸਾਨੀਆਂ ਗਈਆਂ ਹਨ। ਇਹ ਹਮਲੇ ਗਣਤੰਤਰ ਦਿਵਸ ਨੂੰ ਦੇਖਦੇ ਹੋਏ ਕੀਤੇ ਜਾ ਰਹੇ ਹਨ। ਇਸ ਦੇ ਪਿੱਛੇ ਅੱਤਵਾਦੀਆਂ ਦਾ ਮਕਸਦ ਸ਼੍ਰੀਨਗਰ ਅਤੇ ਨੇੜੇ ਦੇ ਲੋਕਾਂ ਨੂੰ ਗਣਤੰਤਰ ਦਿਵਸ ‘ਚ ਸ਼ਾਮਿਲ ਹੋਣ ਤੋਂ ਰੋਕਣਾ ਹੈ।
ਜ਼ਿਕਰਯੋਗ ਹੈ ਕਿ ਕੱਲ ਵੀ ਸ਼੍ਰੀਨਗਰ ਦੇ ਰਾਜਬਾਗ ‘ਚ ਅੱਤਵਾਦੀਆਂ ਨੇ ਪੁਲਸ ‘ਤੇ ਗ੍ਰਨੇਡ ਦਾਗਿਆ ਸੀ। ਹਮਲੇ ‘ਚ ਇਕ ਏ. ਐੱਸ. ਆਈ. ਸਮੇਤ 3 ਪੁਲਸ ਕਰਮਚਾਰੀ ਜ਼ਖਮੀ ਹੋ ਗਏ ਸਨ।