ਰੈਲੀ ‘ਚ ਮਚੀ ਭੱਜ-ਦੌੜ, ਪੀ.ਐੱਮ. ਨੂੰ ਛੋਟਾ ਕਰਨਾ ਪਿਆ ਭਾਸ਼ਣ

ਕੋਲਕਾਤਾ— ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ਨੀਵਾਰ ਨੂੰ ਪੱਛਮੀ ਬੰਗਾਲ ‘ਚ ਇਕ ਜਨਸਭਾ ਨੂੰ ਸੰਬੋਧਨ ਕੀਤਾ। ਜਨਸਭਾ ਦੌਰਾਨ ਆਖਰੀ ਬਜਟ ਦੀ ਤਾਰੀਫ ਕਰਦੇ ਹੋਏ ਪੀ.ਐੱਮ. ਮੋਦੀ ਨੇ ਕਿਹਾ ਕਿ ਬਜਟ ਨਾਲ 12 ਕਰੋੜ ਕਿਸਾਨਾਂ ਨੂੰ ਫਾਇਦਾ ਹੋਇਆ ਹੈ। ਇਸ ਰੈਲੀ ‘ਚ ਇੰਨੀ ਭੀੜ ਸੀ ਕਿ ਭੱਜ-ਦੌੜ ਵਰਗੀ ਸਥਿਤੀ ਪੈਦਾ ਹੋਣ ਕਾਰਨ ਪੀ.ਐੱਮ. ਨੇ ਆਪਣਾ ਭਾਸ਼ਣ 14 ਮਿੰਟ ‘ਚ ਹੀ ਖਤਮ ਕਰ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ ਹੁਣ ਪੈਸਾ ਸਿੱਧਾ ਕਿਸਾਨਾਂ ਦੇ ਖਾਤੇ ‘ਚ ਆਏਗਾ। ਰੈਲੀ ‘ਚ ਆਈ ਭੀੜ ਨੂੰ ਦੇਖ ਕੇ ਪ੍ਰਧਾਨ ਮੰਤਰੀ ਨੇ ਕਿਹਾ,”ਭੀੜ ਦੇਖ ਕੇ ਸਮਝ ਆ ਰਿਹਾ ਹੈ ਕਿ ਦੀਦੀ ਹਿੰਸਾ ‘ਤੇ ਕਿਉਂ ਉਤਰ ਆਈ ਹੈ। ਸਾਡੇ ਪ੍ਰਤੀ ਬੰਗਾਲ ਦੀ ਜਨਤਾ ਦੇ ਪਿਆਰ ਤੋਂ ਡਰ ਕੇ ਲੋਕਤੰਤਰ ਦੇ ਬਚਾਅ ਦਾ ਨਾਟਕ ਕਰਨ ਵਾਲੇ ਲੋਕ ਨਿਰਦੋਸ਼ ਲੋਕਾਂ ਦਾ ਕਤਲ ਕਰਨ ‘ਤੇ ਲੱਗੇ ਹੋਏ ਹਨ।