ਤਕਨੀਕੀ ਖਰਾਬੀ ਕਾਰਨ ਇੰਡੀਗੋ ਜਹਾਜ਼ ਦੀ ਹੰਗਾਮੀ ਲੈਂਡਿੰਗ

ਨਵੀਂ ਦਿੱਲੀ, 21 ਜੂਨ

ਦੇਹਰਾਦੂਨ ਜਾ ਰਹੇ ਇੰਡੀਗੋ ਦੇ ਇੱਕ ਜਹਾਜ਼ ਨੂੰ ਤਕਨੀਕੀ ਖਰਾਬੀ ਕਾਰਨ ਅੱਜ ਦਿੱਲੀ ਹਵਾਈ ਅੱਡੇ ਉਤੇ ਹੰਗਾਮੀ ਹਾਲਤ ਵਿੱਚ ਉਤਾਰਿਆ ਗਿਆ। ਇਸ ਵਿਚ 108 ਯਾਤਰੀ ਸਵਾਰ ਸਨ। ਪੁਲੀਸ ਮੁਤਾਬਕ ਜਹਾਜ਼ ਸੁਰੱਖਿਅਤ ਢੰਗ ਨਾਲ ਉਤਰ ਗਿਆ। ਇਸ ਜਹਾਜ਼ ਨੇ ਦਿੱਲੀ ਤੋਂ ਉਡਾਣ ਭਰੀ ਸੀ ਤੇ ਖਰਾਬੀ ਸਾਹਮਣੇ ਆਉਣ ‘ਤੇ ਇੱਥੇ ਹੀ ਪਰਤ ਆਇਆ। ਇੰਡੀਗੋ ਦੇ ਸੂਤਰਾਂ ਨੇ ਇੰਜਣ ਫੇਲ੍ਹ ਹੋਣ ਦੀ ਘਟਨਾ ਤੋਂ ਇਨਕਾਰ ਕੀਤਾ ਹੈ। -ਪੀਟੀਆਈ