Chandigarh ਦੇ ਬੱਚਿਆਂ ਨੂੰ ਭਾਰੀ ਬੈਗਾਂ ਦੇ ਬੋਝ ਤੋਂ ਮਿਲੇਗੀ ਰਾਹਤ , ਪ੍ਰਸ਼ਾਸਨ ਨੇ ਬਣਾਈ ਨਿਗਰਾਨੀ ਕਮੇਟੀ ,15 ਦਿਨਾਂ ਦੇ ਅੰਦਰ ਮੰਗੀ ਰਿਪੋਰਟ 

Chandigarh School Bag Policy 2020 : ਚੰਡੀਗੜ੍ਹ ਦੇ ਸਕੂਲੀ ਬੱਚਿਆਂ ਦੇ ਬੈਗਾਂ ਦਾ ਭਾਰ ਘਟਾਉਣ ਅਤੇ ਸਕੂਲ ਬੈਗ ਨੀਤੀ 2020 ਨੂੰ ਸਖ਼ਤੀ ਨਾਲ ਲਾਗੂ ਕਰਨ ਲਈ ਯੂਟੀ ਪ੍ਰਸ਼ਾਸਨ ਨੇ ਕਾਰਵਾਈ ਕੀਤੀ ਹੈ। ਜ਼ਿਲ੍ਹਾ ਸਿੱਖਿਆ ਅਧਿਕਾਰੀ (ਡੀਈਓ) ਨੇ ਸਾਰੇ ਸਕੂਲਾਂ ਵਿੱਚ ਬੈਗ ਨੀਤੀ ਦੀ ਪਾਲਣਾ ਨੂੰ ਯਕੀਨੀ ਬਣਾਉਣ ਲਈ ਪੰਜ ਮੈਂਬਰੀ ਕਮੇਟੀ ਬਣਾਈ ਹੈ।

ਕਮੇਟੀ ਦੀ ਪ੍ਰਧਾਨਗੀ ਡਿਪਟੀ ਡੀਈਓ-2 ਰੇਣੂ ਸ਼ਰਮਾ ਕਰਨਗੇ। ਇਸ ਦੇ ਮੈਂਬਰਾਂ ਵਿੱਚ ਜੀਐਮਐਸਐਸਐਸ-32 ਦੀ ਪ੍ਰਿੰਸੀਪਲ ਸੰਗੀਤਾ ਛਾਬੜਾ, ਪੀਐਮ ਸ਼੍ਰੀ ਜੀਜੀਐਮਐਸਐਸਐਸ-18 ਦੀ ਪ੍ਰਿੰਸੀਪਲ ਮਨਜੀਤ ਕੌਰ, ਜੀਐਮਐਸਐਸਐਸ-ਰਾਏਪੁਰ ਕਲਾਂ ਦੇ ਪ੍ਰਿੰਸੀਪਲ ਨਰਿੰਦਰ ਸਿੰਘ ਅਤੇ ਜੀਐਮਐਚਐਸ-ਕਰਸਨ ਦੇ ਹੈੱਡਮਾਸਟਰ ਧਰਮਿੰਦਰ ਸ਼ਾਮਲ ਹਨ।

ਕਮੇਟੀ ਹੇਠ ਲਿਖੇ ਕੰਮ ਕਰੇਗੀ:

-ਹਰ ਤਿੰਨ ਮਹੀਨਿਆਂ ਬਾਅਦ ਸਾਰੇ ਸਰਕਾਰੀ, ਸਰਕਾਰੀ ਸਹਾਇਤਾ ਪ੍ਰਾਪਤ ਅਤੇ ਨਿੱਜੀ ਸਕੂਲਾਂ ਦਾ ਨਿਰੀਖਣ ਕਰੇਗੀ

-ਇਹ ਯਕੀਨੀ ਬਣਾਏਗੀ ਕਿ ਬੈਗਾਂ ਦਾ ਭਾਰ 10% ਤੋਂ ਵੱਧ ਨਾ ਹੋਵੇ

-ਬੈਗਲੈੱਸ ਡੇਅ, ਡਿਜੀਟਲ ਲਰਨਿੰਗ ਅਤੇ ਭਾਰੀ ਸਮੱਗਰੀ ਨਾ ਲਿਜਾਣ ਦੀ ਪਾਲਣਾ ਦੀ ਜਾਂਚ ਕਰੇਗੀ 

-ਹਰ ਮਹੀਨੇ ਦੀ 5 ਤਰੀਕ ਤੱਕ ਡੀਈਓ ਦਫ਼ਤਰ ਨੂੰ ਰਿਪੋਰਟ ਜਮ੍ਹਾਂ ਕਰਵਾਏ। 

15 ਦਿਨਾਂ ਦੇ ਅੰਦਰ ਰਿਪੋਰਟ ਦੇਣੀ ਹੋਵੇਗੀ। 

ਸਾਰੇ ਸਕੂਲਾਂ ਨੂੰ ਸਕੂਲ ਬੈਗ ਨੀਤੀ ਦੀ ਸਖ਼ਤੀ ਨਾਲ ਪਾਲਣਾ ਕਰਨੀ ਹੋਵੇਗੀ। ਕਿਸੇ ਵੀ ਅਣਗਹਿਲੀ ਜਾਂ ਨਿਯਮਾਂ ਦੀ ਉਲੰਘਣਾ ‘ਤੇ ਸਬੰਧਤ ਸਕੂਲਾਂ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ। ਡੀਈਓ ਨੇ ਕਿਹਾ ਕਿ ਬੱਚਿਆਂ ਦੇ ਬੈਗਾਂ ਦਾ ਭਾਰ ਨਿਰਧਾਰਤ ਮਾਪਦੰਡਾਂ ਦੇ ਅੰਦਰ ਹੋਣਾ ਚਾਹੀਦਾ ਹੈ ਅਤੇ ਸਕੂਲਾਂ ਨੂੰ ਇਸ ਸਬੰਧ ਵਿੱਚ ਤੁਰੰਤ ਜ਼ਰੂਰੀ ਕਦਮ ਚੁੱਕਣੇ ਚਾਹੀਦੇ ਹਨ। ਇਸ ਨੀਤੀ ਨੂੰ ਲਾਗੂ ਕਰਨ ਲਈ ਬਣਾਈ ਗਈ ਕਮੇਟੀ ਨਿਯਮਿਤ ਤੌਰ ‘ਤੇ ਸਕੂਲਾਂ ਦਾ ਨਿਰੀਖਣ ਕਰੇਗੀ ਅਤੇ ਇਹ ਯਕੀਨੀ ਬਣਾਏਗੀ ਕਿ ਸਾਰੀਆਂ ਹਦਾਇਤਾਂ ਦੀ ਪਾਲਣਾ ਕੀਤੀ ਜਾਵੇ।

ਸਾਰੇ ਸਕੂਲਾਂ ਨੂੰ ਸਹਿਯੋਗ ਲਈ ਕੀਤੀ ਗਈ ਅਪੀਲ  

ਕਮੇਟੀ ਨੂੰ 15 ਦਿਨਾਂ ਦੇ ਅੰਦਰ ਆਪਣੀ ਪਹਿਲੀ ਰਿਪੋਰਟ ਜਮ੍ਹਾਂ ਕਰਾਉਣ ਦੇ ਵੀ ਨਿਰਦੇਸ਼ ਦਿੱਤੇ ਗਏ ਹਨ। ਇਸ ਰਿਪੋਰਟ ਵਿੱਚ ਸਕੂਲ ਵੱਲੋਂ ਨੀਤੀ ਦੀ ਪਾਲਣਾ ਅਤੇ ਕਿਸੇ ਵੀ ਕਮੀ ਜਾਂ ਉਲੰਘਣਾ ਦਾ ਵੇਰਵਾ ਦਿੱਤਾ ਜਾਵੇਗਾ। ਸਿੱਖਿਆ ਵਿਭਾਗ ਨੇ ਸਾਰੇ ਸਕੂਲਾਂ ਨੂੰ ਇਸ ਪ੍ਰਕਿਰਿਆ ਵਿੱਚ ਪੂਰਾ ਸਹਿਯੋਗ ਦੇਣ ਅਤੇ ਬੱਚਿਆਂ ਦੇ ਹਿੱਤਾਂ ਨੂੰ ਪਹਿਲ ਦੇਣ ਦੇ ਨਿਰਦੇਸ਼ ਦਿੱਤੇ ਹਨ।

ਹੋਰ ਪੜ੍ਹੋ