ਵਿਰੋਧੀਆਂ ਨੂੰ ਭਾਰਤ ਦੇ ਸਪੂਤਾਂ ‘ਤੇ ਵਿਸ਼ਵਾਸ ਹੈ ਜਾਂ ਫਿਰ ਪਾਕਿ ਦੇ ਕਪੂਤਾਂ ‘ਤੇ- ਮੋਦੀ

ਪਟਨਾ- ਅੱਜ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਬਿਹਾਰ ਦੇ ਜਮੂਈ ਇਲਾਕੇ ‘ਚ ਜਨਸਭਾ ਨੂੰ ਸੰਬੋਧਿਤ ਕਰਦੇ ਹੋਏ ਕਾਂਗਰਸ ਅਤੇ ਬੀ. ਜੇ. ਡੀ. ਦੋਵਾਂ ਵਿਰੋਧੀ ਪਾਰਟੀਆਂ ‘ਤੇ ਤਿੱਖਾ ਨਿਸ਼ਾਨਾ ਵਿੰਨ੍ਹਿਆ। ਵਿਰੋਧੀ ਪਾਰਟੀਆਂ ਦੇ ਨੇਤਾਵਾਂ ਦੇ ਸਵਾਲ ਚੁੱਕਣ ‘ਤੇ ਉਨ੍ਹਾਂ ਨੇ ਪਲਟਵਾਰ ਜਵਾਬ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੂੰ ਭਾਰਤ ਦੇ ਸਪੂਤਾਂ ‘ਤੇ ਭਰੋਸਾ ਹੈ ਜਾਂ ਫਿਰ ਪਾਕਿ ਦੇ ਕਪੂਤਾਂ ‘ਤੇ ਭਰੋਸਾ ਹੈ। ਭਾਰਤ ਦੇ ਇਤਿਹਾਸ ‘ਚ ਪਹਿਲੀ ਵਾਰ ਅੱਤਵਾਦੀਆਂ ਦੇ ਘਰ ‘ਚ ਜਾ ਕੇ ਉਨ੍ਹਾਂ ਨੂੰ ਸਬਕ ਸਿਖਾਉਣਾ ਦਾ ਕੰਮ ਸਾਡੇ ਬਹਾਦਰ ਜਵਾਨਾਂ ਨੇ ਕੀਤਾ ਹੈ। ਅੱਜ ਪੂਰੀ ਦੁਨੀਆ ਸਾਡੇ ਜਵਾਨਾਂ ਦੁਆਰਾ ਅੱਤਵਾਦ ‘ਤੇ ਕੀਤੇ ਵਾਰਾਂ ਦੀ ਚਰਚਾ ਕਰ ਰਹੀ ਹੈ ਪਰ ਮਹਾਮਿਲਾਵਟੀ ਇਸ ਦੇ ਵੀ ਸਬੂਤਾਂ ਦੀ ਮੰਗ ਕਰ ਰਹੀ ਹੈ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਇਹ ਰਾਜਨੀਤਿਕ ਪਾਰਟੀਆਂ ਗਰੀਬ ਨੂੰ ਹਮੇਸ਼ਾ ਗਰੀਬ ਹੀ ਰੱਖਣਾ ਚਾਹੁੰਦੀ ਹੈ।
ਪੀ. ਐੱਮ. ਮੋਦੀ ਨੇ ਕਿਹਾ ਹੈ ਕਿ ਐੱਨ. ਡੀ. ਏ. ਦੀ ਸਰਕਾਰ ਦੀ ਨੀਤੀ ਸਾਫ ਹੈ। ਅੱਤਵਾਦ ਹੋਵੇ ਜਾਂ ਫਿਰ ਨਕਸਲਵਾਦ, ਜੋ ਵੀ ਭਾਰਤ ਪ੍ਰਤੀ ਅਣਉੱਚਿਤ ਵਿਵਹਾਰ ਅਪਣਾਉਣ ਦੀ ਕੋਸ਼ਿਸ਼ ਕਰਦਾ ਹੈ, ਤਾਂ ਉਸ ਪ੍ਰਤੀ ਸਖਤੀ ਕਦਮ ਚੁੱਕਿਆ ਜਾਵੇਗਾ।ਉਨ੍ਹਾਂ ਨੇ ਕਿਹਾ ਹੈ ਕਿ ਸਾਧਾਰਨ ਸ਼੍ਰੇਣੀ ਨੂੰ ਵੀ 10 ਫੀਸਦੀ ਰਾਖਵਾਂਕਰਨ ਦਿੱਤਾ ਜਾ ਰਿਹਾ ਹੈ ਅਤੇ ਇਹ ਰਾਖਵਾਕਰਨ ਨੂੰ ਕੋਈ ਖਤਮ ਨਹੀਂ ਕਰ ਸਕਦਾ ਹੈ। ਪੀ. ਐੱਮ ਮੋਦੀ ਨੇ ਇਹ ਵੀ ਕਿਹਾ ਕਿ ਕਾਂਗਰਸ ਨੇ ਹਮੇਸ਼ਾ ‘ਬਾਬਾ ਅੰਬੇਡਕਰ’ ਦਾ ਅਪਮਾਨ ਕੀਤਾ ਹੈ ਪਰ ਐੱਨ. ਡੀ. ਏ. ਸਰਕਾਰ ਨੇ ਹਮੇਸ਼ਾ ‘ਬਾਬਾ ਸਾਹਿਬ’ ਦਾ ਸਨਮਾਨ ਕੀਤਾ ਹੈ।
ਅੱਜ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਐੱਨ. ਡੀ. ਏ. ਨੇਤਾਵਾਂ ਨੇ ਏਅਰਪੋਰਟ ‘ਤੇ ਸਵਾਗਤ ਕੀਤਾ ਅਤੇ ਸਿੱਧਾ ਜਮੂਈ ਪਹੁੰਚੇ। ਇਸ ਦੌਰਾਨ ਪੀ. ਐੱਮ. ਮੋਦੀ ਨਾਲ ਬਿਹਾਰ ਦੇ ਮੰਤਰੀ ਨੰਦਕਿਸ਼ੋਰ ਯਾਦਵ, ਮੰਜਰੀ ਮੰਗਲਵਾਰ ਪਾਂਡੇ ਸਮੇਤ ਲੋਜਪਾ ਉਮੀਦਵਾਰ ਚਿਰਾਗ ਪਾਸਵਾਨ ਨੇ ਵੀ ਸਵਾਗਤ ਕੀਤਾ।