ਤਾਮਿਲਨਾਡੂ : ਪੇਰੀਆਰ ਦੀ ਮੂਰਤੀ ਤੋੜਨ ਵਾਲਾ ਸੀ.ਆਰ.ਪੀ.ਐੈੱਫ. ਦਾ ਜਵਾਨ ਗ੍ਰਿਫਤਾਰ

ਤਾਮਿਲਨਾਡੂ— ਤਾਮਿਲਨਾਡੂ ਦੇ ਪੁਡੂਕੋਟਈ ‘ਚ ਮੰਗਲਵਾਰ (20 ਮਾਰਚ) ਨੂੰ ਪੇਰੀਆਰ ਦੀ ਮੂਰਤੀ ਤੋੜਨ ਦੇ ਮਾਮਲੇ ‘ਚ ਸੀ.ਆਰ.ਪੀ.ਐੱਫ. ਦੇ ਜਵਾਨ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਜਵਾਨ ਸੇਨਥਿਲ ਕੁਮਾਰ ਉਸ ਸਮੇਂ ਨਸ਼ੇ ਦੀ ਹਾਲਤ ‘ਚ ਸੀ। ਦੱਸਣਾ ਚਾਹੁੰਦੇ ਹਨ ਕਿ ਮੰਗਲਵਾਰ ਨੂੰ ਪੇਰੀਆਰ ਦੀ ਮੂਰਤੀ ਨੂੰ ਸਹੀ ਕਰਵਾਉਣ ਦੀ ਕੋਸ਼ਿਸ਼ ਸ਼ੁਰੂ ਕਰ ਦਿੱਤੀ ਸੀ ਅਤੇ ਸਵੇਰੇ 8 ਵਜੇ ਤੱਕ ਮੂਰਤੀ ਨੂੰ ਸਹੀ ਕਰ ਦਿੱਤਾ ਗਿਆ ਸੀ।
ਕਿਸੇ ਵੀ ਤਰ੍ਹਾਂ ਦੇ ਤਨਾਅ ਲਈ ਨਿਪਟਣ ਲਈ ਭਾਰੀ ਗਿਣਤੀ ‘ਚ ਪੁਲਸ ਬਲ ਤਾਇਨਾਤ ਕੀਤਾ ਗਿਆ ਸੀ ਅਤੇ ਇਸ ਮਾਮਲੇ ‘ਚ ਕੇਸ ਦਰਜ ਕੀਤਾ ਗਿਆ ਸੀ। ਇਸ ਮਾਮਲੇ ਦੀ ਅਦਾਕਾਰਾ ਤੋਂ ਨੇਤਾ ਬਣੇ ਰਜਨੀਕਾਂਤ ਨੇ ਵੀ ਅਲੋਚਨਾ ਕੀਤੀ ਸੀ ਅਤੇ ਮਾਮਲੇ ‘ਚ ਭਾਜਪਾ ਦਾ ਹੱਥ ਹੋਣ ‘ਤੇ ਇਨਕਾਰ ਕੀਤਾ ਸੀ।
ਦੱਸਣਾ ਚਾਹੁੰਦੇ ਹਾਂ ਕਿ ਇਸ ਤੋਂ ਪਹਿਲਾਂ ਤ੍ਰਿਪੁਰ ‘ਚ ਲੇਨਿਨ ਅਤੇ ਤਾਮਿਲਨਾਡੂ ‘ਚ ਪੇਰੀਆਰ ਦੀ ਮੂਰਤੀ ਦਾ ਮਾਮਲਾ ਸਾਹਮਣੇ ਆਇਆ ਸੀ, ਜਿਸ ਦੇ ਦੋਸ਼ ‘ਚ ਭਾਜਪਾ ‘ਤੇ ਲੱਗੇ ਸਨ। ਭਾਜਪਾ ਮੁਖੀ ਅਮਿਤ ਸ਼ਾਹ ਨੇ ਮੂਰਤੀ ਤੋੜਨ ਦੀ ਘਟਨਾ ਦੀ ਨਿੰਦਾ ਕੀਤੀ ਸੀ।
ਦੇਸ਼ ‘ਚ ਸ਼ੁਰੂ ਹੋਈਆਂ ਮੂਰਤੀ ਤੋੜਨ ਦੀਆਂ ਘਟਨਾਵਾਂ ‘ਤੇ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਨੇ ਕਿਹਾ ਸੀ ਕਿ ਭਾਰਤ ਦਾ ਕਲਚਰ ਕਿਸੇ ਦੀ ਮੂਰਤੀ ਨੂੰ ਤੋੜਨ ਦਾ ਆਗਿਆ ਨਹੀਂ ਦਿੰਦਾ। ਉਨ੍ਹਾਂ ਨੇ ਕਿਹਾ ਸੀ ਕਿ ਭਾਵੇਂ ਤੁਸੀਂ ਉਨ੍ਹਾਂ ਦੀ ਵਿਚਾਰਧਾਰਾ ਨਾਲ ਸਹਿਮਤ ਹੋਵੋ ਜਾਂ ਨਾ ਪਰ ਹਿੰਸਾ ਭਾਰਤ ਦੇ ਕਲਚਰ ਦਾ ਹਿੱਸਾ ਨਹੀਂ ਹੋ ਸਕਦੀ। ਜੋ ਵੀ ਮੂਰਤੀ ਤੋੜੇਗਾ ਉਸ ਦੇ ਉਪਰ ਸਖ਼ਤੀ ਨਾਲ ਕਾਰਵਾਈ ਕੀਤੀ ਜਾਵੇਗੀ।