ਕੈਲੀਫੋਰਨੀਆ ਦਾ ਇੱਕ ਅਜਿਹਾ ਸ਼ਹਿਰ ਜਿੱਥੇ ਔਰਤਾਂ ਨੂੰ ਉੱਚੀ ਅੱਡੀ ਵਾਲੀਆਂ ਜੁੱਤੀਆਂ ਪਹਿਨਣ ਲਈ ਇਜਾਜ਼ਤ ਲੈਣੀ ਪੈਂਦੀ

ਨਿਊਯਾਰਕ, 20 ਮਈ (ਰਾਜ ਗੋਗਨਾ )- ਬਹੁਤ ਸਾਰੀਆਂ ਕੁੜੀਆਂ ਉੱਚੀ ਅੱਡੀ ਵਾਲੀਆਂ ਸੈਂਡਲ ਪਹਿਨਣਾ ਪਸੰਦ ਕਰਦੀਆਂ ਹਨ।ਅਤੇ ਅਮਰੀਕਾ ਵਿੱਚ ਇੱਕ ਅਜਿਹਾ ਸ਼ਹਿਰ ਹੈ ਜਿੱਥੇ ਹੀਲਜ਼ ਪਹਿਨਣ ਤੋਂ ਪਹਿਲਾਂ ਇਜਾਜ਼ਤ ਲੈਣੀ ਪੈਂਦੀ ਹੈ। ਇਹ ਕੈਲੀਫੋਰਨੀਆ ਦਾ ਸ਼ਹਿਰ ਇੱਕ ਇੰਸਟਾਗ੍ਰਾਮ ਰੀਲ ਕਾਰਨ ਵਾਇਰਲ ਹੋ ਗਿਆ ਹੈ। ਰਿਪੋਰਟ ਦੇ ਅਨੁਸਾਰ, ਕੈਲੀਫੋਰਨੀਆ ਦੇ ਕਾਰਮੇਲ-ਬਾਈ-ਦ-ਸੀ ਸ਼ਹਿਰ ਵਿੱਚ ਉੱਚੀ ਅੱਡੀ ਵਾਲੀਆਂ ਜੁੱਤੀਆਂ ਪਹਿਨਣਾ ਗੈਰ-ਕਾਨੂੰਨੀ ਹੈ। ਇਸ ਸ਼ਹਿਰ ਵਿੱਚ, ਜੇਕਰ ਤੁਸੀਂ 2 ਇੰਚ ਤੋਂ ਉੱਚੀਆਂ ਅਤੇ ਪਤਲੀਆਂ ਹੀਲਾਂ ਪਹਿਨਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਪਹਿਲਾਂ ਇਜਾਜ਼ਤ ਲੈਣੀ ਪਵੇਗੀ। ਜੋ ਕਿ ਸਿਟੀ ਹਾਲ ਵਿਖੇ ਕਿਸੇ ਲਈ ਵੀ ਮੁਫ਼ਤ ਉਪਲਬਧ ਹੈ। ਇਹ ਸ਼ਹਿਰ, ਜੋ ਆਪਣੇ ਸ਼ਾਨਦਾਰ ਸਮੁੰਦਰ ਦੇ ਦ੍ਰਿਸ਼ਾਂ ਅਤੇ ਮਹਿਲ ਵਰਗੇ ਘਰਾਂ ਲਈ ਜਾਣਿਆ ਜਾਂਦਾ ਹੈ, ਵਿੱਚ ਨਾ ਤਾਂ ਸਟਰੀਟ ਲਾਈਟਾਂ ਹਨ ਅਤੇ ਨਾ ਹੀ ਘਰਾਂ ਦੇ ਨੰਬਰ। ਹਾਲਾਂਕਿ, ਇਹ ਨਿਯਮ ਸੰਨ 1963 ਵਿੱਚ, ਸੜਕਾਂ ਅਤੇ ਫੁੱਟਪਾਥਾਂ ਦੀ ਮਾੜੀ ਹਾਲਤ ਕਾਰਨ, ਉੱਚੀ ਅੱਡੀ ਵਾਲੀਆਂ ਜੁੱਤੀਆਂ ਸੰਬੰਧੀ ਇੱਕ ਨਿਯਮ ਬਣਾਇਆ ਗਿਆ ਸੀ। ਜੋ ਕਿ ਇੱਕ ਵਾਇਰਲ ਇੰਸਟਾਗ੍ਰਾਮ ਰੀਲ ਰਾਹੀਂ ਵਾਇਰਲ ਹੋਇਆ।