Home / Punjabi News / ਕੇਦਾਰਨਾਥ ਧਾਮ ‘ਚ ਮੋਦੀ ਦਾ ‘ਪਹਾੜੀ ਲਿਬਾਸ’ ਬਣਿਆ ਖਿੱਚ ਦਾ ਕੇਂਦਰ

ਕੇਦਾਰਨਾਥ ਧਾਮ ‘ਚ ਮੋਦੀ ਦਾ ‘ਪਹਾੜੀ ਲਿਬਾਸ’ ਬਣਿਆ ਖਿੱਚ ਦਾ ਕੇਂਦਰ

ਕੇਦਾਰਨਾਥ ਧਾਮ ‘ਚ ਮੋਦੀ ਦਾ ‘ਪਹਾੜੀ ਲਿਬਾਸ’ ਬਣਿਆ ਖਿੱਚ ਦਾ ਕੇਂਦਰ

ਦੇਹਰਾਦੂਨ — ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼ਨੀਵਾਰ ਭਾਵ ਅੱਜ ਰਿਵਾਇਤੀ ਪਹਾੜੀ ਲਿਬਾਸ ‘ਚ ਦੁਨੀਆ ਦੇ ਪ੍ਰਸਿੱਧ ਧਾਮ ਕੇਦਾਰਨਾਥ ਪੁੱਜੇ। ਉਨ੍ਹਾਂ ਦਾ ਇਹ ਲਿਬਾਸ ਲੋਕਾਂ ਵਿਚਾਲੇ ਖਿੱਚ ਦਾ ਕੇਂਦਰ ਰਿਹਾ। ਗੜ੍ਹਵਾਲ ਹਿਮਾਲਿਆ ਖੇਤਰ ਵਿਚ 11,755 ਫੁੱਟ ਦੀ ਉੱਚਾਈ ‘ਤੇ ਸਥਿਤ ਕੇਦਾਰਨਾਥ ਪੁੱਜੇ ਪੀ. ਐੱਮ. ਮੋਦੀ ਨੇ ਸਲੇਟੀ ਰੰਗ ਦਾ ਲੰਬਾ ਕੁੜਤਾ, ਪਹਾੜੀ ਟੋਪੀ ਅਤੇ ਲੱਕ ‘ਤੇ ਕੇਸਰੀ ਰੰਗ ਦਾ ਗਮਛਾ (ਪਰਨਾ) ਬੰਨ੍ਹਿਆ।

ਮੋਦੀ ਨੇ ਹੈਲੀਪੈਡ ਤੋਂ ਕੇਦਾਰਨਾਥ ਮੰਦਰ ਤਕ ਦਾ ਪੈਦਲ ਰਸਤਾ ਪਹਾੜੀ ਅੰਦਾਜ਼ ਵਿਚ ਛੜੀ ਲੈ ਕੇ ਤੈਅ ਕੀਤਾ। ਪਿਛਲੇ ਦੋ ਸਾਲਾਂ ‘ਚ ਚੌਥੀ ਵਾਰ ਭੋਲੇ ਦੇ ਧਾਮ ਕੇਦਾਰਨਾਥ ਪੁੱਜੇ ਮੋਦੀ ਨੇ ਭਗਵਾਨ ਸ਼ਿਵ ਦੀ ਪੂਜਾ ਕਰਨ ਤੋਂ ਬਾਅਦ ਮੰਦਰ ਦੀ ਪਰਿਕਰਮਾ ਕੀਤੀ। ਮੋਦੀ ਨੇ ਬਰਫ ਨਾਲ ਢੱਕੀਆਂ ਸਫੈਦ ਪਹਾੜੀਆਂ ਦਾ ਵੀ ਨਜ਼ਾਰਾ ਦੇਖਿਆ।

ਇਸ ਦੌਰਾਨ ਪ੍ਰਧਾਨ ਮੰਤਰੀ ਨੇ ਕੇਦਾਰਨਾਥ ‘ਚ ਮੌਜੂਦ ਸ਼ਰਧਾਲੂਆਂ ਅਤੇ ਸਥਾਨਕ ਜਨਤਾ ਦਾ ਖੁਸ਼ੀ-ਖੁਸ਼ੀ ਹੱਥ ਹਿੱਲਾ ਕੇ ਸਵਾਗਤ ਵੀ ਕੀਤਾ।

 

Check Also

ਲਹਿਰਾਗਾਗਾ: ਰੇਲ ਗੱਡੀ ਹੇਠ ਆਉਣ ਕਾਰਨ ਨੌਜਵਾਨ ਦੀ ਮੌਤ

ਰਮੇਸ਼ ਭਾਰਦਵਾਜ ਲਹਿਰਾਗਾਗਾ, 28 ਮਾਰਚ ਦੇਰ ਰਾਤ ਨੌਜਵਾਨ ਦੀ ਸਵਾਰੀ ਗੱਡੀ ਹੇਠ ਆਉਣ ਕਰਕੇ ਮੌਤ …