ਆਂਧਰਾ ਪ੍ਰਦੇਸ਼ ਹਾਈ ਕੋਰਟ ਦੇ ਜੱਜ ਹੁਣ ਲਿਮੋਜ਼ਿਨ ਦੀ ਸਵਾਰੀ ਕਰਨਗੇ

ਅਮਰਾਵਤੀ, 26 ਮਾਰਚ

ਆਂਧਰਾ ਪ੍ਰਦੇਸ਼ ਸਰਕਾਰ ਨੇ ਹਾਈ ਕੋਰਟ ਦੇ ਜੱਜਾਂ ਲਈ ‘ਲਿਮੋਜ਼ਿਨ’ (ਕਾਰ) ਖਰੀਦਣ ਦੀ ਆਗਿਆ ਦੇ ਦਿੱਤੀ ਹੈ। ਰਾਜ ਸਰਕਾਰ ਨੇ ਵੀਰਵਾਰ ਰਾਤ ਨੂੰ 6.5 ਕਰੋੜ ਰੁਪਏ ਦੇ 20 ‘ਕੀਆ ਕਾਰਨੀਵਲ ਪ੍ਰੀਮੀਅਮ’ ਵਾਹਨਾਂ ਦੀ ਖਰੀਦ ਨੂੰ ਵੀ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਕ ਲਿਮੋਜ਼ਿਨ ਦੀ ਕੀਮਤ 31.50 ਲੱਖ ਰੁਪਏ ਹੈ। ਹਾਈ ਕੋਰਟ ਦੇ ਰਜਿਸਟਰਾਰ ਜਨਰਲ ਵੱਲੋਂ ਪੱਤਰ ਲਿਖਣ ਦੇ ਕੁਝ ਹੀ ਘੰਟਿਆਂ ਬਾਅਦ ਸਰਕਾਰ ਨੇ ਆਗਿਆ ਦੇ ਦਿੱਤੀ ਅਤੇ ਇਸ ਲਈ 6.30 ਕਰੋੜ ਰੁਪਏ ਦਾ ਵਾਧੂ ਬਜਟ ਅਲਾਟ ਕਰ ਦਿੱਤਾ।