ਮਿਸ਼ੇਲ ਤੋਂ ਪੁੱਛ-ਗਿੱਛ ਲਈ ਈ.ਡੀ. ਦੀ ਪਟੀਸ਼ਨ ‘ਤੇ ਤਿਹਾੜ ਤੋਂ ਜਵਾਬ ਤਲੱਬ

ਨਵੀਂ ਦਿੱਲੀ— ਦਿੱਲੀ ਦੀ ਇਕ ਅਦਾਲਤ ਨੇ ਇਨਫੋਰਸਮੈਂਟ ਡਾਇਰੈਕਟੋਰੇਟ ਦੀ ਪਟੀਸ਼ਨ ‘ਤੇ ਸੋਮਵਾਰ ਨੂੰ ਤਿਹਾੜ ਜੇਲ ਦੇ ਅਧਿਕਾਰੀਆਂ ਤੋਂ ਜਵਾਬ ਮੰਗਿਆ। ਡਾਇਰੈਕਟੋਰੇਟ ਅਗਸਤਾ ਵੈਸਟਲੈਂਡ ਨੇ ਹੈਲੀਕਾਪਟਰ ਮਾਮਲੇ ‘ਚ ਗ੍ਰਿਫਤਾਰ ਕ੍ਰਿਸ਼ਚੀਅਨ ਮਿਸ਼ੇਲ ਤੋਂ ਜੇਲ ਦੇ ਅੰਦਰੋਂ ਪੁੱਛ-ਗਿੱਛ ਲਈ ਪਟੀਸ਼ਨ ਦਾਇਰ ਕੀਤੀ ਹੈ। ਜੇਲ ਅਧਿਕਾਰੀ ਨੂੰ ਮੰਗਲਵਾਰ ਤੱਕ ਜਵਾਬ ਦੇਣ ਲਈ ਕਿਹਾ ਗਿਆ ਹੈ। ਚੀਫ ਜਸਟਿਸ ਅਰਵਿੰਦ ਕੁਮਾਰ ਨੇ ਮਿਸ਼ੇਲ ਨੂੰ ਮੰਗਲਵਾਰ ਨੂੰ ਪੇਸ਼ ਕਰਨ ਲਈ ਪੇਸ਼ੀ ਵਾਰੰਟ ਵੀ ਜਾਰੀ ਕੀਤਾ। ਉਸ ਦੇ ਵਕੀਲ ਨੇ ਜੇਲ ਦੇ ਅੰਦਰ ਮਾਨਸਿਕ ਰੂਪ ਨਾਲ ਤੰਗ ਕੀਤੇ ਜਾਣ ਦੇ ਦੋਸ਼ ਲਾਏ ਸਨ, ਜਿਸ ‘ਤੇ ਕੋਰਟ ਨੇ ਪੇਸ਼ ਵਾਰੰਟ ਜਾਰੀ ਕੀਤਾ।
ਦੁਬਈ ਤੋਂ ਭਾਰਤ ਲਿਆਉਣ ਤੋਂ ਬਾਅਦ ਈ.ਡੀ. ਨੇ ਉਸ ਨੂੰ ਪਿਛਲੇ ਸਾਲ 22 ਦਸੰਬਰ ਨੂੰ ਗ੍ਰਿਫਤਾਰ ਕੀਤਾ ਸੀ। ਅਦਾਲਤ ਨੇ ਇਸ ਤੋਂ ਪਹਿਲਾਂ ਮਿਸ਼ੇਲ ਨੂੰ ਸਖਤ ਸੁਰੱਖਿਆ ਵਾਲੀ ਕੋਠੀ ‘ਚ ਵੱਖ ਰੱਖੇ ਜਾਣ ਨੂੰ ਸਹੀ ਠਹਿਰਾਉਣ ‘ਚ ਅਸਫ਼ਲ ਰਹਿਣ ‘ਤੇ ਅਧਿਕਾਰੀਆਂ ਨੂੰ ਝਾੜ ਲਗਾਈ ਸੀ ਅਤੇ ਕਿਹਾ ਸੀ ਕਿ ਜੇਕਰ ਉਸ ਨੂੰ ਉੱਚਿਤ ਜਵਾਬ ਨਹੀਂ ਮਿਲਿਆ ਤਾਂ ਉਹ ਜਾਂਚ ਸ਼ੁਰੂ ਕਰਵਾਏਗੀ। ਮਿਸ਼ੇਲ ਉਨ੍ਹਾਂ ਤਿੰਨ ਬਿਚੌਲਿਆਂ ‘ਚ ਸ਼ਾਮਲ ਹੈ, ਜਿਨ੍ਹਾਂ ਦੇ ਖਿਲਾਫ ਘਪਲੇ ਦੀ ਜਾਂਚ ਈ.ਡੀ. ਅਤੇ ਕੇਂਦਰੀ ਜਾਂਚ ਬਿਊਰੋ ਕਰ ਰਹੇ ਹਨ। ਹੋਰ ਬਿਚੌਲੇ ਹਨ ਗੁਈਦੋ ਹਾਸ਼ਕੇ ਅਤੇ ਕਾਰਲੋ ਗੇਰੋਸਾ।