ਬਲਾਤਕਾਰ ਮਾਮਲੇ ‘ਚ ਆਸਾਰਾਮ ਨੂੰ ਉਮਰਕੈਦ ਦੀ ਸਜ਼ਾ

ਜੋਧਪੁਰ, 25 ਅਪ੍ਰੈਲ – ਨਾਬਾਲਿਕ ਦਲਿਤ ਲੜਕੀ ਨਾਲ ਬਲਾਤਕਾਰ ਮਾਮਲੇ ਵਿਚ ਆਸਾਰਾਮ ਨੂੰ ਜੋਧਪੁਰ ਦੀ ਵਿਸ਼ੇਸ਼ ਅਦਾਲਤ ਨੇ ਅੱਜ ਉਮਰਕੈਦ ਦੀ ਸਜ਼ਾ ਸੁਣਾਈ| ਹੁਣ ਸਾਰੀ ਉਮਰ ਆਸਾਰਾਮ ਨੂੰ ਜੇਲ੍ਹ ਵਿਚ ਹੀ ਗੁਜਾਰਨੀ ਹੋਵੇਗੀ|
ਜੱਜ ਮਧੂ ਸੂਦਨ ਨੇ ਬਾਕੀ ਦੋ ਦੋਸ਼ੀਆਂ ਸ਼ਿਲਪੀ ਅਤੇ ਸ਼ਰਤਚੰਦਰਨ ਨੂੰ 20-20 ਸਾਲ ਦੀ ਸਜ਼ਾ ਸੁਣਾਈ ਹੈ| ਸੂਤਰਾਂ ਅਨੁਸਾਰ ਸਜ਼ਾ ਸੁਣਾਏ ਜਾਣ ਤੋਂ ਬਾਅਦ ਆਸਾਰਾਮ ਰੋਣ ਲੱਗ ਪਿਆ|
ਇਸ ਤੋਂ ਪਹਿਲਾਂ ਜੋਧਪੁਰ ਦੀ ਵਿਸ਼ੇਸ਼ ਅਦਾਲਤ ਨੇ ਨਾਬਾਲਿਗ ਲੜਕੀ ਨਾਲ ਬਲਾਤਕਾਰ ਮਾਮਲੇ ਵਿਚ ਆਸਾਰਾਮ ਸਮੇਤ 3 ਲੋਕਾਂ ਨੂੰ ਦੋਸ਼ੀ ਠਹਿਰਾਇਆ ਹੈ, ਜਦੋਂ ਕਿ ਦੋ ਹੋਰਨਾਂ ਨੂੰ ਅਦਾਲਤ ਨੇ ਬਰੀ ਕਰ ਦਿੱਤਾ ਹੈ|
ਦੱਸਣਯੋਗ ਹੈ ਕਿ 2013 ਵਿਚ ਬਾਪੂ ਆਸਾਰਾਮ ਉਤੇ ਜੋਧਪੁਰ ਵਿਚ ਇੱਕ ਨਾਬਾਲਿਗ ਲੜਕੀ ਨਾਲ ਯੌਨ ਸੋਸ਼ਨ ਦੇ ਦੋਸ਼ ਲੱਗੇ ਸਨ|
ਆਸਾਰਾਮ ਦੇ ਦੇਸ਼-ਵਿਦੇਸ਼ ਵਿਚ ਕਰੋੜਾਂ ਭਗਤ
ਆਸਾਰਾਮ, ਜਿਸ ਨੂੰ ਉਸ ਦੇ ਭਗਤ ਬਾਪੂ ਵੀ ਕਹਿੰਦੇ ਹਨ, ਦੇ ਦੇਸ਼-ਵਿਦੇਸ਼ ਵਿਚ ਕਰੋੜਾਂ ਭਗਤ ਹਨ| ਉਸ ਦੇ 450 ਤੋਂ ਵੱਧ ਆਸ਼ਰਮ ਹਨ|