ਫਰਾਂਸ: ਉੱਤਰੀ ਤੱਟ ਨੇੜੇ ਪਰਵਾਸੀਆਂ ਵਾਲੀ ਕਿਸ਼ਤੀ ਡੁੱਬੀ, 13 ਦੀ ਮੌਤ

ਪੈਰਿਸ, 3 ਸਤੰਬਰ

ਫਰਾਂਸ ਦੇ ਉੱਤਰੀ ਇਲਾਕੇ ’ਚ ਨੇੜੇ ਇੰਗਲਿਸ਼ ਚੈਨਲ ਪਾਰ ਕਰਨ ਦੀ ਕੋਸ਼ਿਸ਼ ਦੌਰਾਨ ਇੱਕ ਕਿਸ਼ਤੀ ਡੁੱਬਣ ਕਾਰਨ 13 ਪਰਵਾਸੀਆਂ ਦੀ ਮੌਤ ਹੋ ਗਈ। ਫਰਾਂਸ ਦੇ ਤੱਟੀ ਕਸਬੇ ਲੀ ਪੋਰਟਲ ਦੇ ਮੇਅਰ ਓਲਿਵਰ ਬਾਰਬੇਰਿਨ ਨੇ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਚੈਨਲ ਦੇ ਨੇੜੇ ਇੱਕ ਕਿਸ਼ਤੀ ਡੁੱਬਣ ਕਾਰਨ ਦਰਜਨਾਂ ਪਰਵਾਸੀ ਪਾਣੀ ’ਚ ਫਸ ਗਏ। ਓਲਿਵਰ ਨੇ ਦੱਸਿਆ ਕਿ ਇਹ ਹਾਦਸਾ ਕਿਸ਼ਤੀ ਦਾ ਹੇਠਲਾ ਹਿੱਸਾ ਟੁੱਟਣ ਕਾਰਨ ਵਾਪਰਿਆ। ਇੱਕ ਸਮੁੰਦਰੀ ਬਚਾਅ ਅਧਿਕਾਰੀ ਨੇ ਨਾਮ ਗੁਪਤ ਰੱਖਣ ਦੀ ਸ਼ਰਤ ’ਤੇ ਦੱਸਿਆ ਕਿ ਹਾਦਸੇ ’ਚ ਘੱਟੋ ਘੱਟ 13 ਵਿਅਕਤੀ ਮਾਰੇ ਗਏ ਹਨ। ਅਧਿਕਾਰੀਆਂ ਨੇ ਕਿਹਾ ਕਿ ਕਿਸ਼ਤੀ ਗਰਿਸ-ਨੇਜ਼ ਪੁਆਇੰਟ ’ਤੇ ਘਿਰ ਗਈ ਅਤੇ ਉਸ ’ਚ ਸਵਾਰ ਸਾਰੇ ਜਣੇ ਪਾਣੀ ’ਚ ਡਿੱਗ ਪਏ। ਬੈਗੀਓ ਤੇ ਮੇਅਰ ਨੇ ਕਿਹਾ ਕਿ ਰਾਹਤ ਕਰਮੀਆਂ ਨੂੰ ਪਾਣੀ ਵਿਚੋਂ 61 ਵਿਅਕਤੀ ਮਿਲੇ। -ਏਪੀ

The post ਫਰਾਂਸ: ਉੱਤਰੀ ਤੱਟ ਨੇੜੇ ਪਰਵਾਸੀਆਂ ਵਾਲੀ ਕਿਸ਼ਤੀ ਡੁੱਬੀ, 13 ਦੀ ਮੌਤ appeared first on Punjabi Tribune.