ਠਾਕਰੇ ਦੀ ਪੁਲਿਸ ਨੇ ਚੱਕਿਆ ਮੋਦੀ ਦਾ ਮੰਤਰੀ

ਭਾਰਤ ਦੇ ਕੇਂਦਰੀ ਮੰਤਰੀ ਨਰਾਇਣ ਰਾਣੇ ਨੂੰ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਊਧਵ ਠਾਕਰੇ ਵਿਰੁੱਧ ਬਿਆਨਬਾਜ਼ੀ ਕਰਨ ਤੇ ਪਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ । ਰਾਣੇ ਨੇ ਅਦਾਲਤ ਵਿੱਚ ਅਗਾਂਊ ਜ਼ਮਾਨਤ ਦੀ ਅਰਜ਼ੀ ਦਾਇਰ ਕੀਤੀ ਸੀ, ਜਿਸ ਨੂੰ ਅਦਾਲਤ ਨੇ ਰੱਦ ਕਰ ਦਿੱਤਾ ਸੀ।ਇਸ ਦੇ ਨਾਲ ਹੀ ਬੰਬੇ ਹਾਈ ਕੋਰਟ ਨੇ ਵੀ ਉਸ ਦੀ ਜ਼ਮਾਨਤ ਪਟੀਸ਼ਨ ‘ਤੇ ਤੁਰੰਤ ਸੁਣਵਾਈ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਅਜਿਹੀ ਸਥਿਤੀ ਵਿੱਚ ਨਾਸਿਕ ਪੁਲਿਸ ਦਾ ਵਿਸ਼ੇਸ਼ ਦਸਤਾ ਰਤਨਾਗਿਰੀ ਪਹੁੰਚਿਆ ਤੇ ਹਿਰਾਸਤ ਵਿੱਚ ਲੈ ਲਿਆ।  ਸ਼ਿਵ ਸੈਨਾ ਦੇ ਵਰਕਰਾਂ ਨੇ ਮੰਗਲਵਾਰ ਨੂੰ ਮਹਾਰਾਸ਼ਟਰ ਦੇ 17 ਸ਼ਹਿਰਾਂ ਵਿਚ ਰਾਣੇ ਵਿਰੁੱਧ ਪ੍ਰਦਰਸ਼ਨ ਕੀਤਾ। ਨਾਸਿਕ ਵਿਚ ਭਾਜਪਾ ਦਫਤਰ ‘ਤੇ ਪਥਰਾਅ ਕੀਤਾ ਗਿਆ, ਪੁਲਿਸ ਨੇ ਮੁੰਬਈ ਵਿਚ ਰਾਣੇ ਦੇ ਘਰ ਦੇ ਬਾਹਰ ਪ੍ਰਦਰਸ਼ਨ ਕਰ ਰਹੇ ਸ਼ਿਵ ਸੈਨਿਕਾਂ’ ਤੇ ਲਾਠੀਚਾਰਜ ਕੀਤਾ। ਪੁਣੇ, ਰਾਏਗੜ੍ਹ ਅਤੇ ਨਾਸਿਕ ਦੇ ਸੂਖਮ, ਲਘੂ ਅਤੇ ਦਰਮਿਆਨੇ ਉਦਯੋਗ ਮੰਤਰੀ ਦੇ ਵਿਰੁੱਧ ਐਫਆਈਆਰ ਦਰਜ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਔਰੰਗਾਬਾਦ ਅਤੇ ਖੇਰਵਾੜੀ ਵਿਚ ਐਫਆਈਆਰ ਦਰਜ ਕਰਨ ਦੀ ਮੰਗ ਕੀਤੀ ਗਈ ਹੈ। ਪੁਣੇ ਅਤੇ ਨਾਸਿਕ ਪੁਲਿਸ ਨੇ ਉਨ੍ਹਾਂ ਦੀ ਗ੍ਰਿਫਤਾਰੀ ਦੇ ਵਾਰੰਟ ਵੀ ਜਾਰੀ ਕੀਤੇ ਹਨ। ਰਾਣੇ ਦੇ ਬਿਆਨ ਤੋਂ ਬਾਅਦ ਸ਼ਿਵ ਸੈਨਾ ਦੇ ਕਾਰਜਕਾਰੀ ਸੁਧਾਕਰ ਬਡਗੁਜਰ ਨੇ ਨਾਸਿਕ ਦੇ ਮਹਾਦ ਪੁਲਿਸ ਸਟੇਸ਼ਨ ਵਿਚ ਐਫਆਈਆਰ ਦਰਜ ਕਰਵਾਈ।
ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਸ਼ਿਵ ਸੈਨਿਕਾਂ ਨੇ ਨਰਾਇਣ ਰਾਣੇ ਦੇ ਖਿਲਾਫ ਰਾਤੋ ਰਾਤ ਮੁੰਬਈ ਦੇ ਦਾਦਰ ਇਲਾਕੇ ਵਿਚ ਪੋਸਟਰ ਲਗਾ ਦਿੱਤੇ। ਪੋਸਟਰ ਵਿਚ ਨਾਰਾਇਣ ਰਾਣੇ ਦੀ ਤਸਵੀਰ ਦੇ ਨਾਲ ਮੁਰਗੀ ਚੋਰ ਲਿਖਿਆ ਗਿਆ ਹੈ।