Home / Punjabi News / ਗੈਂਗਰੇਪ ਮਾਮਲੇ ‘ਚ 11 ਲੋਕਾਂ ਨੂੰ ਸੁਣਾਈ ਗਈ ਉਮਰ ਕੈਦ ਦੀ ਸਜ਼ਾ

ਗੈਂਗਰੇਪ ਮਾਮਲੇ ‘ਚ 11 ਲੋਕਾਂ ਨੂੰ ਸੁਣਾਈ ਗਈ ਉਮਰ ਕੈਦ ਦੀ ਸਜ਼ਾ

ਗੈਂਗਰੇਪ ਮਾਮਲੇ ‘ਚ 11 ਲੋਕਾਂ ਨੂੰ ਸੁਣਾਈ ਗਈ ਉਮਰ ਕੈਦ ਦੀ ਸਜ਼ਾ

ਦੁਮਕਾ— ਝਾਰਖੰਡ ‘ਚ ਦੁਮਕਾ ਜ਼ਿਲੇ ਦੀ ਸੈਸ਼ਨ ਅਦਾਲਤ ਨੇ ਇਕ ਔਰਤ ਨਾਲ ਸਮੂਹਕ ਬਲਾਤਕਾਰ ਦੇ ਮਾਮਲੇ ‘ਚ ਅੱਜ ਯਾਨੀ ਸੋਮਵਾਰ ਨੂੰ 11 ਲੋਕਾਂ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ। ਜ਼ਿਲਾ ਅਤੇ ਉੱਚ ਸੈਸ਼ਨ ਜੱਜ ਪਵਨ ਕੁਮਾਰ ਦੀ ਅਦਾਲਤ ਨੇ ਔਰਤ ਨਾਲ ਗੈਂਗਰੇਪ ਮਾਮਲੇ ‘ਚ ਸੁਣਵਾਈ ਤੋਂ ਬਾਅਦ 11 ਲੋਕ ਜਾਨ ਮੁਰਮੂ, ਅਲਵਿਨੁਸ ਹੈਮਬ੍ਰਮ, ਜੈਮਪ੍ਰਕਾਸ਼ ਹੈਮਬ੍ਰਮ, ਸੁਭਾਸ਼ ਹਾਂਸਦਾ, ਸੁਜਰ ਸੋਰੇਨ, ਮਾਰਸ਼ੇਲ ਮੁਰਮੂ, ਦਾਨਿਅਲ ਕਿਸਕੂ, ਸੁਮਨ ਸੋਰੇਨ, ਅਨਿਲ ਰਾਣਾ, ਸ਼ੈਲੇਂਦਰ ਮਰਾਂਡੀ ਅਤੇ ਸੱਦਾਮ ਅੰਸੀ ਨੂੰ ਭਾਰਤੀ ਸਜ਼ਾ ਦੀ ਧਾਰਾ 376 (ਡੀ) ਦੇ ਅਧੀਨ ਉਮਰ ਕੈਦ ਦੇ ਨਾਲ 20-20 ਹਜ਼ਾਰ ਰੁਪਏ ਜ਼ੁਰਮਾਨਾ ਅਦਾ ਕਰਨ ਦੀ ਸਜ਼ਾ ਸੁਣਾਈ।
ਜ਼ੁਰਮਾਨੇ ਦੀ ਰਾਸ਼ੀ ਅਦਾ ਨਹੀਂ ਕਰਨ ‘ਤੇ ਦੋਸ਼ੀਆਂ ਨੂੰ ਇਕ ਸਾਲ ਦੀ ਐਡੀਸ਼ਨਲ ਸਜ਼ਾ ਭੁਗਤਣੀ ਹੋਵੇਗੀ। ਇਸ ਦੇ ਨਾਲ ਹੀ ਕੋਰਟ ਵਲੋਂ 341/34,342/34,323/34 ਸਮੇਤ ਭਾਰਤ ਸਜ਼ਾ ਦੀਆਂ ਵੱਖ-ਵੱਖ ਧਾਰਾਵਾਂ ਦੇ ਅਧੀਨ ਵੀ ਸਜ਼ਾ ਸੁਣਾਈ ਗਈ।
ਦੱਸਣਯੋਗ ਹੈ ਕਿ ਗੈਂਗਰੇਪ ਦੀ ਸ਼ਿਕਾਰ ਪੀੜਤਾ ਦੀ ਸ਼ਿਕਾਇਤ ‘ਤੇ 17 ਲੋਕਾਂ ਵਿਰੁੱਧ 7 ਸਤੰਬਰ 2017 ਨੂੰ ਦੁਮਕਾ ਮੁਫਸਿਲ ਥਾਣੇ ‘ਚ ਨਾਮਜ਼ਦ ਸ਼ਿਕਾਇਤ ਦਰਜ ਕੀਤੀ ਗਈ ਸੀ। ਦਰਜ ਸ਼ਿਕਾਇਤ ਅਨੁਸਾਰ 7 ਸਤੰਬਰ ਦੀ ਸ਼ਾਮ ਨੂੰ ਪੀੜਤਾ ਘੁੰਮਣ ਗਈ ਸੀ। ਇਸੇ ਕ੍ਰਮ ‘ਚ ਦੋਸ਼ੀਆਂ ਨੇ ਜ਼ਬਰਨ ਹਥਿਆਰ ਦਾ ਡਰ ਦਿਖਾ ਕੇ ਉਸ ਨਾਲ ਸਮੂਹਕ ਬਲਾਤਕਾਰ ਦੀ ਘਟਨਾ ਨੂੰ ਅੰਜਾਮ ਦਿੱਤਾ ਸੀ। ਦਰਜ ਸ਼ਿਕਾਇਤ ‘ਤੇ ਤੁਰੰਤ ਕਾਰਵਾਈ ਕਰਦੇ ਹੋਏ ਪੁਲਸ ਨੇ 36 ਘੰਟਿਆਂ ਦੇ ਅੰਦਰ 16 ਨਾਮਜ਼ਦ ਦੋਸ਼ੀਆਂ ਨੂੰ ਫੜ ਲਿਆ ਸੀ। ਇਸ ਮਾਮਲੇ ਨਾਲ ਸੰਬੰਧਤ ਹੋਰ 6 ਨਾਬਾਲਗਾਂ ਦਾ ਮਾਮਲਾ ਵਿਸ਼ੇਸ਼ ਕੋਰਟ (ਬਾਲ ਅਦਾਲਤ) ‘ਚ ਵਿਚਾਰ ਅਧੀਨ ਹੈ।

Check Also

ਭਾਰਤੀ ਇਤਰਾਜ਼ ਦੇ ਬਾਵਜੂਦ ਚੀਨ ਦਾ ਉੱਚ ਤਕਨੀਕ ਨਾਲ ਲੈਸ ‘ਸੂਹੀਆ’ ਜਹਾਜ਼ ਸ੍ਰੀਲੰਕਾ ਦੀ ਬੰਦਰਗਾਹ ’ਤੇ ਪੁੱਜਿਆ

ਕੋਲੰਬੋ, 16 ਅਗਸਤ ਚੀਨ ਦਾ ਉੱਚ ਤਕਨੀਕੀ ‘ਸੂਹੀਆ’ ਜਹਾਜ਼ ਅੱਜ ਸ੍ਰੀਲੰਕਾ ਦੀ ਦੱਖਣੀ ਬੰਦਰਗਾਹ ਹੰਬਨਟੋਟਾ …