ਅੱਜ ਦੇ ਦਿਨ ਹੋਈ ਸੀ ਹਿਟਲਰ ਫੌਜ ਵੱਲੋਂ ਯਹੂਦੀਆਂ ਨੂੰ ਨਜ਼ਰਬੰਦੀ ਕੈਂਪ ਵਿੱਚ ਲਿਜਾਣ ਦੀ ਸ਼ਰੂਆਤ

ਮਨੁੱਖੀ ਇਤਿਹਾਸ ਦਾ ਸਭ ਤੋਂ ਭਿਆਨਕ ਵਹਿਸ਼ੀਆਨਾ ਕਤਲੇਆਮ 1942 ਵਿਚ ਅੱਜ ਦੇ ਦਿਨ 22 ਜੁਲਾਈ ਤੋਂ ਸ਼ੁਰੂ ਹੋਇਆ ਸੀ। 22 ਜੁਲਾਈ 1942 ਦੇ ਦਿਨ ਤੋਂ, ਨਾਜ਼ੀ ਸੈਨਿਕਾਂ ਨੇ ਯਹੂਦੀਆਂ ਨੂੰ ਬਾਰਸਾ ਤੋਂ ਟ੍ਰੇਬਲਿੰਕਾ ਦੇ ਨਜ਼ਰਬੰਦੀ ਕੈਂਪ ਵਿੱਚ ਲਿਆਉਣ ਦਾ ਕੰਮ ਸ਼ੁਰੂ ਕੀਤਾ ਸੀ। ਕਿਹਾ ਜਾਂਦਾ ਹੈ ਕਿ ਇਕੱਲੇ ਇਸ ਕੈਂਪ ਵਿਚ 9 ਲੱਖ ਤੋਂ ਜ਼ਿਆਦਾ ਯਹੂਦੀਆਂ ਨੂੰ ਦਰਦਨਾਕ ਮੌਤ ਦਿੱਤੀ ਗਈ ਸੀ।
ਹਿਟਲਰ 1933 ਵਿਚ ਜਰਮਨੀ ਵਿਚ ਸੱਤਾ ਵਿਚ ਆਇਆ ਅਤੇ ਇਸਦੇ ਨਾਲ ਹੀ ਯਹੂਦੀਆਂ ਤੇ ਅਤਿਆਚਾਰ ਵੱਧਣਾ ਸ਼ੁਰੂ ਹੋਇਆ। ਹਿਟਲਰ ਦਾ ਮੰਨਣਾ ਸੀ ਕਿ ਜਰਮਨਜ਼ ਦੀ ਉੱਤਮ ਨਸਲ ਸੀ ਅਤੇ ਯਹੂਦੀ ਇੱਥੇ ਪਰਜੀਵੀ ਹਨ। ਜੇ ਜਰਮਨੀ ਇਕ ਵਿਸ਼ਵ ਸ਼ਕਤੀ ਬਣਨਾ ਹੈ, ਤਾਂ ਯਹੂਦੀਆਂ ਦਾ ਨਾਸ਼ ਕਰਨਾ ਪਏਗਾ।
ਹਿਟਲਰ ਨੇ ਯਹੂਦੀਆਂ ਲਈ ਵੱਖਰੇ ਖੇਤਰ ਬਣਾਏ, ਜਿਨ੍ਹਾਂ ਨੂੰ ਗੇਟੋ ਕਿਹਾ ਜਾਂਦਾ ਸੀ। ਇਲਾਕੇ ਦੇ ਸਾਰੇ ਯਹੂਦੀਆਂ ਨੂੰ ਇਨ੍ਹਾਂ ਵਿਚ ਕੈਦੀ ਬਣਾ ਕੇ ਰੱਖਿਆ ਗਿਆ ਸੀ। ਹਰ ਇਕ ਯਹੂਦੀ ਦੀ ਪਛਾਣ ਮਿਟਾ ਦਿੱਤੀ ਜਾਂਦੀ ਸੀ ਅਤੇ ਸਿਰਫ ਇਕ ਨੰਬਰ ਦਿੱਤਾ ਜਾਂਦਾ ।
ਦੂਸਰਾ ਵਿਸ਼ਵ ਯੁੱਧ 1939 ਵਿਚ ਪੋਲੈਂਡ ਉੱਤੇ ਜਰਮਨੀ ਦੇ ਹਮਲੇ ਨਾਲ ਸ਼ੁਰੂ ਹੋਇਆ ਸੀ। ਇਸੇ ਦੌਰਾਨ ਜਿਥੇ ਵੀ ਜਰਮਨੀ ਨੇ ਕਬਜ਼ਾ ਕੀਤਾ , ਹਜ਼ਾਰਾਂ ਕੈਂਪ ਅਤੇ ਨਜ਼ਰਬੰਦੀ ਦੀਆਂ ਥਾਵਾਂ ਤਿਆਰ ਕੀਤੀਆਂ ਗਈਆਂ । ਫੜੇ ਗਏ ਯਹੂਦੀਆਂ ਨੂੰ ਇਨ੍ਹਾਂ ਕੈਂਪਾਂ ਵਿੱਚ ਲਿਆਂਦਾ ਗਿਆ ।
ਪੋਲੈਂਡ ਦੀ ਰਾਜਧਾਨੀ ਵਾਰਸਾ ਤੋਂ 80 ਕਿਲੋਮੀਟਰ ਦੂਰ ਟ੍ਰੇਬਲਿੰਕਾ ਵਿੱਚ ਅਜਿਹਾ ਹੀ ਇੱਕ ਕੈਂਪ ਬਣਾਇਆ ਗਿਆ ਸੀ। ਇਹ ਕੈਂਪ ਜੁਲਾਈ 1942 ਵਿੱਚ ਬਣਾਇਆ ਗਿਆ ਸੀ ਅਤੇ ਇਹ ਨਾਜ਼ੀਆਂ ਦੀ ‘ਅੰਤਮ-ਹੱਲ’ ਨਾਮ ਦੀ ਯੋਜਨਾ ਦਾ ਹਿੱਸਾ ਸੀ। ਅੱਜ ਦੇ ਦਿਨ 1942 ਵਿਚ, ਯਹੂਦੀਆਂ ਨੂੰ ਇਥੇ ਲਿਆਉਣ ਦੀ ਸ਼ੁਰੂਆਤ ਹੋਈ।
ਯਹੂਦੀਆਂ ਨੂੰ ਰੇਲਗੱਡੀ ਵਿਚ ਪਸ਼ੂਆਂ ਵਾਂਗ ਵਾਰਸਾ ਤੋਂ ਇੱਥੇ ਲਿਆਂਦਾ ਜਾਂਦਾ ਸੀ। ਕੈਂਪ ਵਿਚ ਲਿਆਉਣ ਤੋਂ ਬਾਅਦ, ਹਰ ਇਕ ਦੇ ਕੱਪੜੇ ਉਤਾਰ ਦਿੱਤੇ ਜਾਂਦੇ ਅਤੇ ਹਰ ਇਕ ਨੂੰ ਵੱਡੇ ਹਾਲ ਵਿਚ ਬੰਦ ਕਰ ਦਿੱਤਾ ਜਾਂਦਾ। ਉਸ ਤੋਂ ਬਾਅਦ, ਯਹੂਦੀਆਂ ਨੂੰ ਮਾਰਨ ਲਈ ਕਾਰਬਨ ਮੋਨੋਆਕਸਾਈਡ ਗੈਸ ਨੂੰ ਛੱਤ ਤੋਂ ਛੱਡਿਆ ਗਿਆ। ਲੋਕ ਇਸ ਜ਼ਹਿਰੀਲੀ ਗੈਸ ਕਾਰਨ ਦਮ ਘੁੱਟਦਾ ਤੇ ਉਹ ਇੱਕ ਦਰਦਨਾਕ ਮੌਤ ਮਾਰੇ ਜਾਂਦੇ । ਇਹ ਹੋਲੋਕਾਸਟ 1945 ਤੱਕ ਚਲਦਾ ਰਿਹਾ।